Follow Us

آج کا دن کیسا رہے گا

تازہ ترین خبریں

تاجر برادری نے نئے حکومتی ٹیکس کو مسترد کردیا

آل پاکستان انجمن تاجران کے صدر اجمل بلوچ نے حکومت کی جانب سے نئے ٹیکس لگانے کے بیان پر سخت ردعمل دیتے ہوئے کہا ہے کہ 27 ارب کے لگائے گئے نئے ٹیکسز مسترد کرتے ہیں اور اسٹیک ہولڈرز کے ساتھ مشاورت کے بغیر لگایا گیا کوئی نیا ٹیکس قابل قبول نہیں ہے۔

انہوں نے کہا کہ وزیر خزانہ کا وعدہ تھا کہ سٹیک ہولڈرز کی مشاورت کے بغیر کوئی نیا ٹیکس نہیں لگائیں گے، پہلے فکس سیل ٹیکس لگا کرتاجر برادری کو ایک ماہ خوار کیا گیا اور درآمد پر پابندی سے تاجروں اور ملک دونوں کا نقصان ہوا۔

اجمل بلوچ نے کہا کہ تمباکو غریب آدمی پیتا ہےاس پر ٹیکس نہ لگایا جائے، امپورٹڈ سگریٹ پر 100 گنا ڈیوٹی لگائی جائے یہ بڑے لوگ پیتے ہیں، حکومت فیول اڑجسٹمنٹ کے نام پر لگایا گیا ٹیکس فوری واپس لے۔

ان کا کہنا تھا کہ اندھیر نگری ہے بجلی ،گیس چوری اور مفت پٹرول کی قیمت عوام ادا کر رہے ہیں، ظلم کی انتہا یہ ہے کہ فیول اڑجسٹمنٹ پر بھی سیل ٹیکس اور انکم ٹیکس وصول کیا گیا ہے، حکومت نےفیول اڑجسٹمنٹ کے نام پر غریب آدمی کا بھرکس نکال دیا ہے۔