روم: خاموش ویڈیو کلپس سے عالمی سطح پر شہرت بلندیوں کو چھونے والے ٹِک ٹاک اسٹار کھابے لامے کو اطالوی شہریت مل گئی۔
22 سالہ کھابے لامے نے اٹلی کے شہر ٹیورن کے علاقے کِواسو میں رواں ہفتے اطالوی ریاست کے وفادار رہنے اور آئین اور قوانین کی پاسداری کا حلف اٹھایا۔کھابے لامے کا خاندان سینیگال سے اس علاقے میں 21 سال قبل منتقل ہوا تھا۔
کھابے لامے نے اپنے ٹِک ٹاک کیریئر کا آغاز 2020 میں اٹلی میں لگنے والے لاک ڈاؤن کی وجہ سے نوکری سے نکالے جانے کے بعدکیا۔
گزشتہ برس نیویارک ٹائمز سے کی جانے والی گفتگو میں کھابے نے اپنے تاثرات کو عالمی زبان قرار دیتے ہوئے کہا تھا ’یہ میرا چہرا اور تاثرات ہیں جو لوگوں کو ہنساتے ہیں۔‘