اب آپ کے علاوہ بھی کوئی آپ کے میسجز ڈیلیٹ کرسکتا ہے

کیلیفورنیا: انسٹنٹ میسجنگ ایپلی کیشن واٹس ایپ ایک نیا فیچر جاری کرنے جارہی ہے جس کے بعد دوسرے صارفین کو آپ کے پیغام حذف کرنے کا اختیار حاصل ہو جائے گا۔

اس نئے فیچر کے بعد اگر آپ نے کسی چیٹ سے اپنا میسج ڈیلیٹ نہیں کیا ہو تب بھی اسے ڈیلیٹ کیا جاسکے گا۔ یہ فیچر ’ڈیلیٹ فار ایوری ون‘ فیچر کے ساتھ ہی جڑا ہوگا۔

لیکن اب واٹس ایپ نے اس فیچر کا ایک نیا ورژن بنایا ہے جو گروپ ایڈمنز کو یہ اختیار دے گا کہ وہ گفتگو میں کسی بھی نئے میسج کو حذف کر سکیں گے۔

اس فیچر کی نشان دہی wabetainfo پر موجود ٹیک محققین نے کی۔ یہ محققین واٹس ایپ میں رُونما ہونے والی نئی تبدیلیوں کو تلاش کرنے کے لیے ’بِیٹا ٹیسٹ‘ ورژن کی چھان بین کرتے رہتے ہیں۔

اگر آپ کسی گروپ کے ایڈمن ہیں تو نئے میسج کو دبا کر رکھیں اور پھر سب کے لیے ڈیلیٹ کرنے کے آپشن کا انتخاب کرلیں۔ اس طرح گروپ چیٹ سے پیغام حذف ہوجائے گا۔

اس کے آثار کے طور پر اس جگہ ’Message was deleted‘ یہ لکھا آئے گا۔