Follow Us

آج کا دن کیسا رہے گا

تازہ ترین خبریں

جاپانی حکومت کی نوجوانوں سے زیادہ سے زیادہ شراب پینے کی اپیل

 ٹوکیو: جاپان میں حکومت نے نوجوان نسل پر زیادہ سے زیادہ شراب پینے پر زور دیتے ہوئے کہا ہے کہ ٹیکس آمدن میں اضافے کے لیے شراب کی زیادہ فروخت ضروری ہے۔

برطانوی نشریاتی ادارے بی بی سی کے مطابق جاپان میں حکومتی سطح پر 20 سے 39 سال کی عمر تک کے افراد کے لیے ’’ شیک وائیوا‘‘ مہم چلائی جارہی ہے جس میں نوجوان کو نسل کثرت شراب نوشی کی جانب راغب کرنے کے لیے نت نئے طریقے بتائے جارہے ہیں۔

اس مہم کا آغاز  ایک رپورٹ سامنے آنے کے بعد کیا گیا ہے جس میں ملک بھر میں شراب کی فروخت کم ہونے سے ٹیکس جمع ہونے میں خاطر خواہ کمی کا انکشاف کیا گیا تھا۔

رپورٹ میں یہ بھی کہا گیا ہے کہ نئی نسل اپنے والدین کے مقابلے میں شراب نوشی میں کم دلچسپی لے رہے ہیں اس لیے شراب کی فروخت سے حاصل ہونے والے ٹیکس آمدن میں کمی واقع ہورہی ہے۔