Follow Us

آج کا دن کیسا رہے گا

تازہ ترین خبریں

بھارتی اداکار رضا مراد کا سیلاب متاثرین کیلئے پیغام

 ممبئی: بالی وڈ کے سینئر اداکار رضا مراد نے کہا ہے کہ وہ سیلاب سے متاثرین پاکستانیوں کے غم میں برابر کے شریک ہیں اور ان کی نیک تمنائیں متاثرین کے ساتھ ہیں۔

اپنے ایک وڈیو بیان میں رضا مراد کا کہنا تھا کہ دکھ کی گھڑیاں اللہ تعالیٰ کی طرف سے آتی ہیں لیکن یہ دکھ اور پریشانی جلد ختم ہوجاتی ہے۔ برا وقت مہمان کی طرح ہوتا ہے اور ہمیشہ نہیں رہتا۔

انہوں نے مزید کہا کہ تباہ کن سیلاب نے لوگوں کو جو مالی، جانی اور ذہنی نقصان پہنچایا ہے ہم اس سے بخوبی واقف ہیں۔

اداکار نے مزید کہا کہ اللہ تعالیٰ کئی مرتبہ اپنے بندوں کا امتحان لیتا ہے۔ لوگ اس سیلاب کو امتحان کی گھڑی سمجھیں۔

انہوں نے کہا کہ میں اللہ کی بارگاہ میں دعا کرتا ہوں کہ آپ کے ملک میں حالات دوبارہ معمول کے مطابق آجائیں۔