Follow Us

آج کا دن کیسا رہے گا

تازہ ترین خبریں

آنگ سان سوچی کو کرپشن کے الزام میں مزید 6 سال قید کی سزا

ینگون: میانمار کی رہنما آنگ سانگ سوچی کو کرپشن کے الزام میں مزید 6 سال قید کی سزا سنا دی گئی۔

غیرملکی میڈیا کے مطابق میانمار  کی عدالت نے  آنگ سان سوچی کو کرپشن کے الزام میں مزید 6 سال قید کی سزا سنادی۔ سوچی نے سزا کے بعد کوئی بیان نہیں دیا۔ نوبل انعام یافتہ آنگ سان سوچی کو بدعنوانی، فوج کے خلاف اکسانے، کورونا قوانین کی خلاف ورزی اور ٹیلی کمیونیکیشن قانون کو توڑنے کے جرم میں 11 سال قید کی سزا سنائی جا چکی ہے۔

کرپشن کیس میں مزید 6 سال قید کی سزا کے بعد آنگ سانگ سوچی کی مجموعی قید کا دورانیہ  17 سال ہوگا۔ میانمار کی 77 سالہ رہنما آنگ سانگ سوچی گزشتہ سال فوجی بغاوت کے بعد سے جیل میں ہیں۔