Follow Us

آج کا دن کیسا رہے گا

تازہ ترین خبریں

نیوکراچی میں کچرا کنڈی سے خاتون کی بوری بند لاش ملی

 کراچی: نیوکراچی میں کچرا کنڈی سے خاتون کی 3 روز پرانی بوری بند لاش ملی ہے۔  

تفصیلات کے مطابق نیو کراچی کے علاقے سیکٹر فائیو ای میں قائم کچرا کنڈی سے بوری بند لاش کی اطلاع پر پولیس اور ریسکیو کا عملہ موقع پر پہنچ گیا اور بوری کو کھول کر دیکھا تو اس میں سے خاتون کی لاش نکلی.

اس حوالے سے ایس ایچ او بلال کالونی آفتاب عباسی نے بتایا کہ خاتون کی لاش چینی کی بوری میں بندکی گئی تھی جس کی عمر تقریباً 25 سے 30 سال کے قریب معلوم ہوتی ہے جبکہ مقتولہ کے قبضے سے ایسی کوئی چیز برآمد نہیں ہوئی جس سے اس کی شناخت میں مدد مل سکے۔

پولیس کے مطابق خاتون کے جسم پر تشدد کے نشانات بھی پائے گئے ہیں جبکہ ڈاکٹروں کا کہنا تھا کہ خاتون کی لاش 3 سے 4 روز پرانی ہونے کی وجہ مسخ ہوگئی ہے۔

پولیس کے مطابق مقتولہ نے سیاہ رنگ کا ٹراؤزر اور شرٹ پہن ہوئی ہے تاہم وجہ موت کا تعین پوسٹ مارٹم رپورٹ آنے کے بعد ہو سکے گا تاہم پولیس بائیو میٹرک سسٹم کے تحت مقتولہ کی شناخت کے لیے کوششیں کر رہی ہے۔