Follow Us

آج کا دن کیسا رہے گا

تازہ ترین خبریں

33 اشیائے ضروریہ کی قیمتیں آسمان پر پہنچ گئیں

 اسلام آباد: ملک بھر میں ایک ہفتے کے دوران اشیاء ضروریہ کی قیمتوں میں مزید اضافہ ہوگیا، سالانہ بنیادوں پر ہفتہ وار مہنگائی کی شرح 38.63 فیصد کی بلند ترین سطح پر پہنچ گئیں۔

ملک میں مہنگائی میں اضافہ کا رجحان بدستور جاری ہے گذشتہ ہفتے کے دوران ملک میں ہفتہ وار مہنگائی کی شرح میں0.82 فیصد اضافہ ہوا جبکہ سالانہ بنیادوں پر ہفتہ وار مہنگائی کی شرح 38.63 فیصد کی بلند ترین سطح پر پہنچ گئی ہے۔

وفاقی ادارہ شماریات کا کہنا تھا کہ ملک میں ایک ہفتے میں 33 اشیائے ضروریہ مہنگی جب کہ 4 اشیاء کے نرخوں میں کمی ریکارڈ ہوئی ہے۔

ادارہ شماریات کا کہنا تھا کہ گزشتہ ہفتے 14 اشیائے ضروریہ کی قیمتوں میں استحکام رہا ہے اس حوالے سے وفاقی ادارہ شماریات کی جانب سے مہنگائی بارے جاری کردہ ہفتہ وار رپورٹ کے مطابق چار اگست 2022 کو ختم ہونے والے والے ہفتے کے دوران ملک میں ہفتہ وار مہنگائی میں 0.82 فیصد اضافہ ہوا اور سالانہ بنیادوں پر ہفتہ وار مہنگائی 38.62 فیصد کی بلند ترین سطح پر پہنچ گئی ہے۔

وفاقی ادارہ شماریات کے مطابق عداد و شمار کے مطابق گذشتہ ایک ہفتے کے دوران پیاز 24.92 اور ٹماٹر 11.93 فیصد مہنگا ہوا، دال مونگ 5.72 اور دال ماش 5.28 فیصد مہنگی ہوئی، آلو 5.03 اور دال مسور 4.43 فیصد مہنگی ہوئی۔

ادارہ شماریات کے مطابق ڈیزل 3.78 اور ایل پی جی کی قیمت میں 1.49 فیصد اضافہ ہوا، حالیہ ہفتے دال چنا، انڈے، لہسن، گڑ  بھی مہنگا ہوا جب کہ ایک ہفتے میں چکن 5.08 اور فی کلو گھی 0.15 فیصد سستا ہوا ہے، جبکہ جن 4 اشیاء کی قیمتوں میں کمی ہوئی ان میں چکن اور پٹرول سمیت دیگر اشیاء شامل ہیں۔